കാണാതെ മെല്ലെ – അരയന്നങ്ങളുടെ വീട് | Kaanathe Melle – Arayannangalude Veedu

കാണാതെ മെല്ലെ മെയ് തൊട്ടു
കാരുണ്യമോലുന്ന കണ്ണീർ വിരൽ
ഒരു താരാട്ടിനായ് മിഴി പൂട്ടുന്നുവോ
ധനുമാസ മൗനയാമിനി നീ
കാണാതെ മെല്ലെ മെയ് തൊട്ടു

ഒരു മുഴം ചേല കൊണ്ടെന്നെ
മഞ്ഞക്കുറി കോടിയും ചുറ്റി
ഒരു പവൻ കോർത്തു തന്നെന്നെ
തിരുവാഭരണവും ചാർത്തി
അരികിൽ ചേർത്തു നിർത്തി
നീലമയിൽപ്പീലി തന്നു
ആലില പൊൻ‌കണ്ണനായ് ഞാൻ

കാണാതെ മെല്ലെ മെയ് തൊട്ടു

നിറമിഴിത്തൂവൽ കൊണ്ടെന്റെ
തനുവിൽ പൂന്തണലായ്
എരിവെയിൽ പാടവരമ്പിൽ
പൊഴിയാപ്പുതുമഴ പെയ്തു
വിറയും കൈ തലോടി
നേർവഴിയിൽ നന്മ നേർന്നു
എത്രമാത്രം ധന്യനാണോ ഞാൻ

കാണാതെ മെല്ലെ മെയ് തൊട്ടു
കാരുണ്യമോലുന്ന കണ്ണീർ വിരൽ
ഒരു താരാട്ടിനായ് മിഴി പൂട്ടുന്നുവോ
ധനുമാസ മൗനയാമിനി നീ

============================

ചിത്രം: അരയന്നങ്ങളുടെ വീട് (2000)
സംവിധാനം: ലോഹിതദാസ്
​ഗാനരചന: ഗിരീഷ് പുത്തഞ്ചേരി
സം​ഗീതം: രവീന്ദ്രൻ
ആലാപനം: കെ.ജെ. യേശുദാസ്